عادي عبدالله رجب ابو عدنان

 عادي.

عبدالله رجب ابوعدنان

عادي إنك تبيع

عادي واية الجديد

ف الموضوع

عادي لما أحكي

ولما أبكي

وبتفرح ف الدموع

عادي بعد ما مات الاحساس

أهو حب عدى وخلاص

وأنا يا روحي ف الأساس

ياما استنيت لحظة رجوع

عادي ما قلبك اتعود ع الحرمان

ونسيت حب زمان

وانا اللي كنت فاكرك حضن أمان

اتاريني بالنسبة لك

مجرد نزوة و مشروع

عادي لما أقولك إنك بتطاردني

وف منامي بتكلمني

لية من روحي كنت بتحرمني

وتخليني أقوم من نومي مفزوع

عادي ما كل حاجه عندك بكام

حتى الحب والغرام

ولما ارمي عليك السلام

ما بترد وقلبي عليك موجوع

عادي لما افكر فيك

وبين جفوني اداريك

وها فضل عمري كلة احب فيك

واجيب صورك وأحلم بيك

وع الحال دا بقالي اسبوع

عادي إنك تبيع

عادي واية الجديد ف الموضوع

عادي لما أحكي

ولما أبكي

وانت بتفرح ف الدموع

عادي..

عبدالله رجب ابوعدنان

٦٦

تعليق واحد

١١ مشاركة

أعجبني

تعليق

مشاركة