شعر غنائي ((( سلامتك ))) بقلم الشاعر محمد البريمى

 شعر غنائى ..

((( سلامتك )))

سلامتك ألف سلامه .. شغلتى فكرى و بالى ..

ياريتنى كنت بدالك .. كان أهون عليا م اللى بيجرالى ..

أنا بأتعب قوى على تعبك .. و بتألم أكتر لألمك ..

و لو كانت الدموع تنطق .. كنت وصفتلك حالى ..

سلامتك ألف سلامه

أنا بأخاف عليكى من نسيم الهوى .. و مستعد أكونلك الطيب المداوى ..

و أهيألك كمان دروب السعاده .. و أخلى لياليكى أفراح و غناوى ..

دا إن قلتى آه أقول معاكى آهين .. و القلب يحزن قبل العين ..

و الشوق يكتر مع الحنين .. و تزيد غلاوتك غلاوتين ..

سلامتك ألف سلامه

أنا صعبان عليا فراقك .. و مأثر فيا طول بعادك ..

ياما نفسى لكن مش قادر .. القدر واقف قصادى و قصادك ..

و.عشان بحبك عندى أمل .. إنك تحطى إيدك ف إيدى ..

و نبض قلبك يجرى ف وريدى .. و أبقى حققت اللى ف مرادى ..

سلامتك ألف سلامه

بقلم الشاعر ..

محمد البريمى ..

عرض الرؤى

معدل وصول المنشور: ٣٤

٣فهدالصحراء الجرئ، عبدالقادر المرابط وشخص آخر

٤ تعليقات

أعجبني

تعليق