بين السطور
************
جوه منا الذكريات
ف القلب ساكنه مبيته
محفوره جواه وع السطور
مرسومه لوحه من السراب
ليه تقلب ف اللى فات
سيره كانت ميته
مدفونه من تحت الصخور
ومغطيها شبرين تراب
واللى عدى من سكات
من فتره لسه قريبه
متجيش شهور
مرسومه فى أخر الكتاب
وانا لسه بتهجى اللى فات
لقيت حروف متسرسبه
جوه الكسور
بتداوى ف القلب اللى داب
والنبض بيصرخ بالسكات
اه جوه منه مسلسله
تنهش جسور
مبنى بيها قصور عذاب
والباقى منها أطلال حاجات
ذكرى باقيه
مكتوبه من بين السطور
خايفه تخرج م العتاب
بتعد كام يوم منها فات
وكام سنه كات منها تايهه
كل ذكرى فايحه بعطور
ولكل ذكرى معمول حجاب
وان بعدت أو قصرت المسافات
هتبقى راسخه
محفوظ ملامحها ف الصدور
مهما مر الزمان وغاب
م/محمد بدوى أبوالعلا
ليست هناك تعليقات:
إرسال تعليق