من كتاباتى
هشام عبدالله
مدينه بلا ميناه
...........
يرضيك ... يرضيك ..!!
عيونى فى بعدك
تفضل سهرانه حزينه
والليل أهو جه
يحدف خيوطه بظلمة أسيره
تخطف ليها قلبى ويدب
بألم يخلى الطير يبعد ويهج
وأنت فى بعادك أتعود
تنسانى وتهج ...
وقلبك يدق ..
ولا يعرف ليا يرق
وأنا لا عارف ليك
حتى أرسى على ميناه
طب يرضيك .. يرضيك .. !!
ترحمنى من ليله
أكون فيها أمير
على بحرك اللى
ملوش أى مدينه
دى عيونى فى حبك
عاشت أيام وليالى حزينه
يرضيك .. يرضيك ..!!
طب أبعد .. وأبعد ما حتنسانى
دى أيامك فى حبى
كان ليا معانى
كانت عيونك بتلالى
من أحلامى ....
كانت الضحكه على شفيفك
حلوة وطعمة فى أيامى
طب أبعد .. وأبعد ما حتنسانى
حيجلك يوم تشتاق
لكام يوم من أيامى
والليل حيعدى عليك
وتسهر عيونك أيام
ذى ما سهرت أنا مع اشواقى
طب جرب ليله من احزانى
دا غرامى مش حبرجعلك تانى
ما أنا ياما تهت فى بحرك
اللى ملهوش أى مدينة
ولا حتى فناره ولا ميناه
يرضيك .. يرضيك ..
إذا كان ده يرضيك
........
ليست هناك تعليقات:
إرسال تعليق