أغنيه : أنا حره
كلمات الشاعر : السيد عطيه
---- ------
روح شوفلك حد تجرح فيه
شمس هوانا خلاص بتغيب
على قلبي كتير بتحط عليه
طب تعمل إيه لو كنت غريب
--- -----
لا بتقبل مني نصايح
وبتبقى معايا وسارح
راح فين بقى حب إمبارح
والعش ياروحي إللي بتبنيه
روح شوفلك حد تجرح فيه
---- ------
تجرح وتوب
وبقيت موهوب
ف الكدب ورص كلامك
قال يعني خلاص
ملك الأحساس
لأ شوف بقى مين قدامك
هنرد الجرح ميت مره
وتطلع من قلبنا بره
من يومي ياواد وأنا حره
وقلبي بكلمه كمان ترضيه
روح شوفلك حد تجرح فيه
--- -------
شكلك مهووس
محتاج لدروس
تتعلم حبك يبقى ازاي
كلك أفكار
ضد التيار
والهجر مابينا رايح جاي
أعمل حساب لو ليك رجعه
وأن ضاع هواك قيد له ف شمعه
فيها إيه لو تندم مع دمعه
الحب حب مهما تسميه
روح شوفلك حد تجرح فيه
---- ----- --------
كلمات الشاعر / السيد عطيه
مصر
ليست هناك تعليقات:
إرسال تعليق