//////+++ياللي نسيتي +++//////
ياللي نسيتي ذقان الباب
ياعز الاسرة وعز لحباب
يامن كان اعمارة كل دار
يامضويها بالدفء كل نهار
بالنبض لمهدن خوف والروع
يالماسح بالعطف كل دموع
اسهرتي وثعبتي بزاف
والنجم شاهد ف سماه ولاف
يامن ركب صهوة جواد صبر
في دنيا زايلة ياك حر وسر
انت صبر بكل فضلو ونوعو
والعطف مكانك وسر قلوعو
ياللي كنت الحاضي ولادك
ياللي سقيتي رويتي ورادك
سافرتي ومارجعتي لدار
والله منسيناك يابو الجار
ربي يرحمك يافيض لحنان
وتنال سر سماحة المنان
بقلم صقر الحروف الزجال المحجوب بوسبولة
ليست هناك تعليقات:
إرسال تعليق