من كتاباتى
هشام عبدالله
ياما فى الأحلام
.........
قالوا فى الأحلام
ياما حاجات تتقال
وكلام يتحاكى عنه
أغرب الحكايات
وأنت حبيبى فى حبك
محتاج عمركمان وكمان
وما يخلص فيه كل الكلام
تعالى حبيبى
نقرب لينا الأيام
ونمد بينا وداد الشوق
لميت سنه لقدام
........
قالوا فى الأحلام
ياما حاجات تتقال
وكلام يتحاكى عنه
أغرب الحكايات
ساعات أحلامنا .. تخلينا نخاف
ونبعد منها ونضيع من أوهام
وانت حبيبى فى حبك
ليا فيه كل الامان
تصدق حبيبى معاك
الهمسه بنظرة منك لقلبى
يعرف فيها معنى الحياه
....
قالوا فى الأحلام
ياما حاجات تتقال
حاجات فيها شوق وغرام
تخلى القلب ليك
لا يهدى ولا ينام
وحكايات منها العيون بتخاف
وتخلى الليل كانه نهار
وحبك حبيبى ليا كله أمان
تخلى العين تهدى وتنام
وتشوفك طيف يا احلى ملاك
معاك قلبى .. حيفضل معاك
بيحلم بيك..
وعايش وياك أحلى حياه
..........
قالوا فى الأحلام
ياما حاجات تتقال
وكلام يتحاكى عنه
أغرب الحكايات
وانت حبيبى فى حبك
محتاج عمركمان وكمان
..........
ليست هناك تعليقات:
إرسال تعليق