الحياة ساعة منال السويفي

 الحياة ساعة

بردانه ليه وأنتٍ عيونك دفا؟!

عطشانه ليه ؟!

الساعة ساعةصفا

ماده عروقك حد الشط

يحضن شعاع الشمس أرضك

تتشط ويولع شرزها

فتحرق الليل الحزين

دم الغوالي يسيل

السما تبكي ع اللي راح

وتبكي ليه ده ارتاح ؟!

و طاب من كل الجراح

تعدى الليالي ويزورك صباح

جوه شمسه هربانه ضلة

تضلل ع القلوب الحزينة

تلاقيها تفرح بولادة يوم جديد

تضفر الأيام مع الزمن

ومن تاني تتعاد الحكاية

هى دنيا عايشينها بتتحول

لفيلم كل أما يخلص

يتعاد من الأول

ومن الأول نعيش حكاية

ونعيش أحلام تتوهنا

وتهرب من إيدينا البداية

تتنسي

ونلضم حياتنا بخيط حرير

نرجسي

تتوه عيونا عن الحقيقه

ف مرايتنا لينا الف صورة

من بينهم حقيقه واحده

تايهه وع النصيب صبورة

وحياه عليها بقت مجبورة

بنتقسم ونمشي

ف مليون طريق

كل سكه لينا فيها

كام صديق

إللي شايل معانا

وإللي خاين أمانه

وإللي بيغير وشوش

وبسمتة مرسومه

جواها غل

من جوه عينيه تطل

بس النهايه واحده

لازم علينا كلنا تحل

حبه تراب

تخدهم الريح

وبين سطور السحاب

بنلاقيه راح وداب

منال السويفي

عرض الرؤى

معدل وصول المنشور: ١٢

١فهدالصحراء الجرئ

تعليقان

أعجبني

تعليق