((( طمنينى ))بقلم الشاعر الغنائى .. محمد البريمى ..

 شعر غنائى ..

((( طمنينى )))

طمنينى يا حبيبتى عنك .. و حيات عنيكى الحلوين دول ..

أنا م بأنامش الليل .. و الفكر بات مشغول ..

أخبارك يا عمرى إيه .. الأحوال عامله معاكى إيه ..

انا بأسأل عليكى ديمآ .. و إنتى ع البال على طول ..

طمنينى عنك

أنا نفسى أشوفك من تانى .. إنتى يا حبيبتى وحشانى ..

إشتقت لقربك و كلامك .. القلب عليكى و صانى ..

عشان أقولك و أحكيلك .. ع اللى حصلى و اللى جرالى ..

من يوم غيابك عنى .. و الدموع م فارقت عينى ..

طمنينى عنك ..

م فكرتش ولا لحظه أنساكى .. ديمآ طيفك معايا ليلاتى ..

أكلمه و يكلمنى .. و هو سامع آهاتى ..

إمتى هترجعيلى بألف سلامه .. و ترجع ضحكتك تنور حياتى ..

بعد م غابت عنى .. أيام و ليالى ..

طمنينى عنك ..

أنا بأدعى من قلبى و أقول .. يارب ديم المحبه ..

ولا تفرقنا الأيام عن بعض .. و نفضل ديمآ أحبه ..

لا بينا شك ولا ظنون .. و كل صعب قدامنا يهون ..

و السعاده من حوالينا .. جايبها آخرها كده معانا ..

طمنينى عنك ..

بقلم الشاعر الغنائى ..

محمد البريمى ..