////////+++ترجع الخاوة+++////////
قائدنا تكلم بالحكمة
وموصل رسالة بالكلمة
قال من نبع دم وعلى صوتي
قال يادزيري راكم خوثي
من اجل شعب نفتحوا لحدود
ونكسروا كل وهام لقيود
نعلوا بسم الله داك ابليس
وتكون ليا ارفيق وجليس
ياك ترجع الخاوة لمجراها
نلقاو لجراح سر دواها
نطويو كل ماكان ف الماضي
ربي العالي شاهد وحاضي
لحقاد ذوب ف سر القربة
ونرجعوا ماضاع بمحبة
وحنا خاوة ياك ملة ودين
ياك ماعدنا على بعضنا فين
تحضي غيبتي نحضي غيبتك
ترجع سربتي ياك لسربتك
انوقفوا عماد الخيمة بزوج
ننساو لكلام للي كيروج
ياجاري خويا ولد امي
مابعيد عليك ياولد عمي
وتعالى نراجعوا للي فاتنا
ونكسبوا ماضاع من وقاتنا
ياك نرجعوا لسرار الحل
ونديروا النية وداك لعقل
هاهذي ايدي ممدودة
بيبان داري مامسدودة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق