قالولي بكره تحلى
ويبقى أحلى
وفكرت كتير في
بكره
وكل يوم يعدي عليا
التقيه زي انهارده
أرجع أفكر وأقول فينك
يابكره
إنت جاي ولا لسه
فكره
فكره قالو لي الناس
عليها
وفي يوم يمكن التقيها
وانتظرت كتير يجي
بكره
وعدى بكره وألف بكره
والعمر راح وعدى
وأصبح ألف ذكرى
وسرحت وفضلت ساكت
أفكر فى يوم يجى بكره
وقلت هو بكره حقيقي
ولا فكره
فكره اخترعوها لجل
مايصبروا بيها
جايز تتحقق الفكره
وبكره تروق وتحلى
وحتى لو يأتي بكره
ما العمر عدى وراح
ومابقتش منتظر
بكره
ماعاد لي شىء
أنتظر له بكره
ما كل بكره عدى
في حياتي راح
وعدى وبقى ذكرى
تقول خدت إيه
من الدنيا حتى لو
اتحقق لك بكره
زي مادخلت فيها
زي ماها تخرج
ماعاد لك شىء تسند
عليه ما كله أصبح
بكره ذكرى
ولا حد عايش على
لبكره
ولا حد في يوم هايبقى
ذكرى
كله كان فى الأصل
فكره
فكر فى كل اللي راح
وعدى
مش هاتلاقي حتى
ذكرى
قولي خدت إيه انهارده
يبقى ليه مشغول
ببكره
وانخدعنا بحلم بكره
سراب وكان علي
بالي بس فكره
Ahmed gadallah
ليست هناك تعليقات:
إرسال تعليق