حوار بين مسعدة ابوها
/ عباس صالح
---------------------------
ابو مسعدة /
ابن صميدة
طلب ايدك
يا مسعدة
ده شافك
فين يابت
ابن تفيدة ده
مسعدة ردت
يمكن فى
الغيط يا ابوى
وانا باجيب لك
الغدا ولا
لما كنت
مع صحباتى
واحنا بنملى
القلل من النيل
ابوها رد
انتى موافقة يابت
ولا اقول له لا
سكتى ليه يا بت
اقول مبروك
ده السكوت
علامة الرضا
----------------
ده كان زمان
يا ابو مسعده
دلوقتى البنت
هى اللى
بتنقى العريس
وتمشى معاه
يروحوا سينما
من عشرة لواحدة يتقابلوا فى المسا
الزمن اتغير
يا ابو خالو
مفيش شىء
بقى على حالو
رد وقال حكمته
دلوقتى مسعدة
بقى عندها بنتين
فى الجامعة
دولى جم
فى اخر الزمن
دهنين وشهم
مكياج واشى
بيسموه اى لاينر
وابوهم يرجع
من الشغل
يقيل ساعتين
وينزل يشتغل
بيسوق تاكس
ومسعدة
ياعينى عليها
رابطة رأسها
بتقول باعلى
صوت أنا
ليه اتجوزت
يا ابوى
وأخرج من
عندها واضرب
كف بكف
واستغرب
ومن المشاكل
اهرب
--------------
عباس صالح
ليست هناك تعليقات:
إرسال تعليق