قلم عاجز
...............................
الله عليك
وجمال عنيك
بعشق عنيك
لمسة إيديك
عينى عليك
أنا قلبي طار
لمسة خدودك
وقتلنى عودك
بعشق وجودك
هكسر حدودك
ما نسيت وعودك
والقرب نار
وبدوب ف شعرك
وياخدنى سحرك
واغرق ف بحرك
انا عمرى مهرك
انا قلبى حار
بحب الحب فيك
ملهوف دايما عليك
والكحلة الى ف عنيك
بتشد عيونى ليك
بتجذب روحى ليك
وبدون تفكير بقرب
وبوسة بين عنيك
انا بيك بنسي المرار
ياروح فيها الجمال
ولمسك شئ محال
برسم صورتك ف قلبي
يا أجمل م الخيال
انا اعمل إيه ف قلبي
م الغلب كتير معبى
عاوزك دايما بقربي
أنا كلى نبضى مال
مفيش كلام يعبر
ولا حرف معايا سطر
وكلام عمال يحجر
بس انتى بحر مرمر
نفسك أشعار تعطر
ودموعى ليه بتمطر
بعض الأعمار تقصر
ما تلقى فيها حبيب
شمس الحياة بتغيب
ولا يشفى فيها طبيب
حتى الرضيع بيشيب
ولا فيها شئ يتقدر
كل الجمال يتكسر
وهموم كتير تتجرجر
والعمر آخره قريب
...................................
تحياتى..بقلم عمر جميل
ليست هناك تعليقات:
إرسال تعليق