مجلة نداء الرؤح لفرسان الكلمات: كلمات \ صبري حسين (انا وهي )

( انا وهي) كلمات/صبري حسين
بنتكلم انا وهي
مرة واحداة سكتت
وبنظرة قاسية
عليا بصت
وقامت واقفة
وبصوت عالي ضحكت
هو انت بتحب؟
لسه ماشي ورا كلام القلب ؟
انا استغربت
واخد كتير من الوقت
عن العالم غبت
لكني فقت
بصيت ليها واتكلمت
سئلت
هو الحب اصبح جريمة  يتوجه بسببه الاتهام
انا مستغرب هذا الكلام
حرام  والله حرام 
الحب يبقي جريمة
والكذب والخداع والخيانة
يبقوا حاجات يتاخد عليها وسام
بالذمة ده كلام
انا خلاص قربت علي الجنان 
بصت وضحكت
اصحي من الأحلام 
فوق من الاوهام
انت لسه عايش في زمن الحلال والحرام 
لسه فاهم انه في صدق وامانة
ده  كان زمان
الحياة يا صديقي
ابسط من البساطة
لازم تبص للامام
الحياة يا صديقي
عايز الانسان الجامد الهمام 
الانسان اللي يعرف ياخد حقه باايده
الانسان اللي يقدر يغير نصيبه
اللي بيعرف قانون القوة
اللي منزوعه منه الرحمة
اللي يغلب  مصلحته
حتي ولو في سبيلها
داس علي الكل بالاقدام
الحياة يا صديقي
عايزة الانسان الجريىء المقدام
سيبك بقي من كلام الافلام
احنا ياصديقي في زمان تغليب المصالح
اوعي تقول حرام الكل الكيل به طافح
مصلحتك غلب
انت ومن بعدك الطوفان
الغاية يا صديقي زي ما علمونا زمان
الغاية تبرر  الوسيلة 
حتي لو استخدمنا المكر والحيلة
سيبك بقي من الافكار القديمة
والكلمات اللي مش ليها قيمة
شرف امانة
صدق طهارة
رجولة شهامة 
عدم خيانة الامانة
كلها موضة قديمة 
افكار بالية
لا تقدم
لكن  تآخر
انت عايز ترجعنا عصور
تعيشنا في ظلام
بعد ما اتمدنا وعرفنا النور
عيش المدنية والحداثة
هاتلاقي فيها كل السعادة
ياصديقي
فوق من الاحلام
عايز تتمسك  بالقيم وتعاليم الدين
هاتلاقي نفسك منبوذ 
واقف في آخر الصفوف
بتضرب بالاقدام والكفوف
الكل بيضحك عليك
وبيرموك بالجنون
الكل بيشاور عليك
عايز  يعيش بالشرف
يا عم امشي بلا قرف
اسمع كلام التريقة
استحمل الضحوكة
خدنا يا مولانا علي جناحك
ادعو  لينا كلنا اتباعك
كلنا  محاسيك 
خدنا  خدامك
يا عم روح وكسة توكسك
اصحي يا صاخبي من االاحلام
لو عايز دايما تكون  قدام 
متقدم  كل الصفوف
غش
خليك بمليون وش
انصب واضحك  علي الناس
اتعلم ازاي بكل الالوان تتلون
ومع كل موجة تتحول
وقتها بس
الكل يقف كل انتباه
وتفتح لك كل الابواب
يا صديقي 
سيبك من الحب
ترتاح من وجع القلب
ودايما لمصلحتك غلب
ضحكت بصوت مسموع
ضحكت وقلبي موجوع
خانتني الدموع 
قلت
يا صديقتي
بكلامك ده
أحنا  بيقينا في غابة
البقاء للاقوي
كدة ضيعنا كل تعاليم الاديان
قتلنا روح الانسان
بعنا الرحمة في اسواق النخاسين
اللي لاعندهم شرف ولادين
بعنا ادميتنا بدراهم معدوين
وكنا فيها من الزاهدين
ضيعنا الرحمة والحنان
اصبحنا كاالانعام
لابتعقل ولا تقدر علي الكلام
يا صديقتي
مش ده الغرض اللي اتخلق من اجله الانسان
ربنا قال في القرآن
لقد كرمنا بني  الانسان
خلقنا في احسن صورة
وبالعقل ميزنا
وبالخير والرحمة ملي قلوبنا
هو ده  الانسان
اللي كرمه الرحمن
لسه بتجري جواه انهار الحنان
لسه بالامكان
نرجع لفطرة الإنسان 
اللي فطرنا عليها الواحد الديان
عايزين نرجع للايمان
نزرع بينا بذور الاطمئنان 
نرويها بالحنان 
عايزين نلتمس لبعض الاعذار
نتمنى  لبعض الخير
ونعرف ان كل شيء  في الدنيا كاس دوار
ومهما طال الليل لابد بعده نهار
صبري حسين