لما الجواز مبقاش موده
وبقي ف نيش ودهب وماده
شره النفوس بقي شيء عبوس
وغرق الدمع المخده
داب قلبها م الإنتظار
والوحدة تايهه ف المرار
خلت عيون الحب سهده
وهو تايه في الشرود و
الفرحه شابت في الورود
دبلت في طغيان الزمان ده
وما حد راضي بقسمته
الكل رافض دنيته
والحزن راصد كل حته
ملعون أبو النيش والجهاز
لما يكون معني الجواز
حبة خشب حبة إزاز
المعجزه لو تدركوا
في كلمه حلوه لقلبكوا
تغسل هموم مليون وجع
وتلم شمل ما يتقطع
من المحبه
ولو تفوت الميت سنه
تفضل شموع الحب قايده
سعد وموده
طول الزمن
هناء حواس
ليست هناك تعليقات:
إرسال تعليق