وبعد تسال
أجى البطران علي وكالي شبيك
أحس مشتته افكارك ودمعة بعيونك
وأحس إبصدرك نار توگد نار
أحس حملك ثگيل الهدمه هدة متونك
ولاچنه عايش بهل البلد وما يدري باصار
بلد مجروح من الي بالدجل يحكمون
بلد كان بالثريه معلك ومهيوب
ابد ماعدهم دين ذولا اللي يخونون
كفر بينه العوز عگب ما چنه ديوان
خبزتنه تعبر الشطين وللمعتاز اله عون
من مال الحمل شو خوته يتفرجون
دار الزمان ودورته عليك ما يذكرونك
وبعد تسال علا البيه وليش مهموم
خي إمشي وي الرصيف وشوف بعيونك
بشمس وحر الصيف طفل وبقايا هدوم
وشيبه توسد ايده ونسه حتى الصبر
وهناك تسرح باطفاله يم اشارات المرور
تمد ايده من العوز حرام البينه صار.....وعد العاني...
ليست هناك تعليقات:
إرسال تعليق