ديرتي طيبه ............ وعد العاني ........................

 ديرتي طيبه

جريه وجرد ناعور

بجف الحنينه عطشنه يذوب

وي طرت الفجر تسچر التنور

سمره بسمار الكاع حنطة هلي

رغيف الخبز مقسمس يرد الروح

ديرتي طيبه

بيه الحلم يحلم

بيه الوفا عنوان

وللضيف تفتح بيبان

چنه الايات الله نطيع

بالسبات الليل و بالنهر

ع المعاش ندور

شجانه بهل زمان نكلبت الايه

السهر بالليل

وبالنهار السبات يكون

لو غابت شمسنه

ب نجماة السما نتلحف

ويه الگمر نتسامر

چانت الدنيا دنيا

وي شگت الشمس

واحدنه صل

نفز وشبعانين نوم

نضيفه مسامعنه

ما بيه دغش

صوت العصافير الصبح

وعند الظهر ونة الناعور

ولو غربت شمسنه

سكون الليل يجمعنه

وچان الامان بيه سور

البيبان مفتحه

بس الهوى بيه يخور

چان كل شيء حلو

وجيت ادور عل ما حلو

لكيته حلو

اشو بزماني هذ مر الحلو

تلوث عدنه السمع

هرج ومرج

وصوات انفجارات ورعب

لا ليلي ليل ولا الصبح

البيان عشر قفاله وقفل

وگامرات تصور كلمن يمر

أه ياذاك العمر.....وعد العاني...

عرض الرؤى

معدل وصول المنشور: ٤٣

١فهدالصحراء الجرئ

٤ تعليقات

أعجبني

تعليق