مو متاها اني اندل الدرب
بس غدينه بديرة غرب
ولا جنه البيه ابوي ندفن
ودم أخوي لما لفه جفن
تدري بينه سكاره بلا خمر
من كثر الصبر ملانه الصبر
تدري خير ديرتنه شكثر
وبظلام نعيش كاتلنه الفقر
چنه حلابه ونطوح
خيرنه فاض من سطوح
هل صفينه بضيق وخراب
ولامر صار بيدن الاغراب
تسمع اشكال والوان الكلام
شكد حجوا وكذبوا ب العلام
يوصل الكرسي وأقراه عليه السلام
كل سنه بثوب جديد ابن الحرام
صرنا لعبه بين اديهم
نروح ونرجع عليهم
بالوه وبتلينه بيهم
مو متاها نروح ونرجع عليهم.....وعد العاني...
ليست هناك تعليقات:
إرسال تعليق