اوصيك ياابني
شيل وطنك فى قلبك و عنيك
وطنك مش معناها ارضك
ولا ترعه بتروي زرعك
ولا بيت فى الليل بيضمك
مصر لها قلب وبتحبك
مصر حسه بيك
لو تبكي راح تمسح دمعك
مصر تاريخ واسأل نيلك
اسهر ليله معاه يحكيلك
كل شعوب العالم حاسدينك
اسأل نابليون ولويس
اسأل انت وشباب جيلك
لما انبهروا بتاريخك
دخلوا عزاه يسرقوا خيرك
أجدادك حافظوا على ميراثك
لجل ماتيجي تقوم بدورك
وتحافظ على خير أجدادك
حافظ على ميراث أولادك
وابنك يمشي على خط سيرك
مهما تلف الدنيا تعود
تشتاق ليها تبوس ترابها
فيها سحر بينادي احبابها
واللي ناوي على خرابها
تطحن فيه بأيادي شبابها
وبتحرمه من نسمة ليلها
مصر فيها خزائن الأرض
مصر حبها سنة وفرض
مصر الطاهرة السيرة والعرض
مصر نسيمها رحيق الورد
مصر جنة الله فى الأرض
مصر عليها كل العيون
أم الثقافة والفنون
مصر تراب أرضها حنون
شعب مصر عمره مايخون
حافظ على بلدك واحميها
ولا تسمح لغزاة يغزوها
لو تبكي امسح دموعها
قولها نكتة تشوف بسمتها
واحكي واتحاكى بحكاويها
مصر الكنانة مفيش زيها
واياك يوم تفرط فيها
(((أسامه جديانه)))
& ٢٦-٦_٢٠٢١&
ليست هناك تعليقات:
إرسال تعليق