تسمحيلي بغمزه واحده
والا اقولك غمزتين
لجل بس أقول باحبك
بالشمال أو باليمين
لجل آجي الصبح اصبح
ع العيون دي مرتين
وان زعلتي مره مني
بالشمال تيجي اليمين
وتصالحني مره تانيه
ع العيون النعسانين
مانتو لو قاسيين راح امشي
حاولوا بس تجاوبوا رمشي
ريحوني الله يسامحكم
م العذاب دا شويتين
فهموني ياعيوني
هيه نظره كفايه منكم
منها حافهمكوا انتو مين
نظره حتجيب نظره تانيه
والتانيه تجيب كلمتين
فهموني ياعيوني
إنتو ليه قاسيين عليا
والا بس تقلانين
.... بقلمي مجدي الشيخ...
ليست هناك تعليقات:
إرسال تعليق