ويعود الأمل بقلم محمد كمال

 ويعود الأمل

طول ماأنتى جوايه

فى قلبى فى عقلى

طول ماأنتى ويايا

فى أحلامى وأيامى

سرك هو أسراري

ضحكة عينى لعنيكى

يا أجمل مارأت عينى

وأطهر حب فى حياتى

معاكى بحس بالراحه

ويخرج كل شئ جوايه

بتوه من لحظه والثانيه

بروح للنجمه وأحكيلها

حبيبة عمري مش قادر أوصلك

وانتى ويايا ما بين نظره لعيونك

وكلمه خارجه من قلبى

وتنهيدة شوق يا ملهمتى

تغير كل أحزانى

ساعات بوصل لمكانك

يا قمر ونوره مصاحبنى

وين ما أروح مابيسيبنى

عارف انه محتاجلى

ونفسه يسكن هنا فى حضنى

وياريتنى جاوبت هواكى وأخدتك

وعشت معاكى بقيت عمري

وحيده والقمر زيك

غريبه الدنيا من غير ضيك

ومين فى الدنيا يكون زيك

أول عينى ماتشوفك

يعود نورك ينورها

وقلبى يحس بوجودك

يا أغلى من نور العيون ضيك

أقرب يمكن أتمتع ألاقى الدنيا تضحكلك

وحيده وفى الغرام لسه

صغيره والسحر والضحكه

أنا يا قمره بتمنى أعيش عمري على ضيك

بتمنى أكون جنبك وأقرب حبه من قلبك

أقول الآه من قلبى

ترد عيونى محتاجلك

لوكنت بعيد بحلم ياريت حلمى يوصلك

ياريت حلمى يكون دايما

يقول إنى محتاجلك

وروحى فى الهوى عايشه

وطايره فى سما حبك

وحيده والقمر شكلك

وأنا فى الدنيا وحيد زيك

وقربى ليكى يرجعنى

وأنسى الوحده وأنا جنبك

ولو كنت بقول إنتى

سعادتي وفرحى وأنا جنبك

وباقى على العهد يا عمري

وباقى عليكى يا روح قلبي

بحبك ملهمتى وهفضل

بقيت عمري محتاجلك

بقلم محمد كمال

شاعر مصر

عرض الرؤى

معدل وصول المنشور: ٢٨

١١

تعليقان

أعجبني

تعليق