خايف.. بقلمي عبدالله رجب ابوعدنان
خايف افرح
لا الفرحة تموتني
ساعات اسرح
ويخيب ظني
خايف اقولك بحبك
واتمنى عمري جمبك
والذنب يا حبيبتي ذنبك
والشوق بيحضني
خايف م الغرام وآلامو
قلبي عايش ف أوهامو
صعبة قوي ايامو
والفراق بيوجعني
خايف من ضي عنيكي
بحبك وبخاف عليكي
عمري كله ليكي
خايف لا ف يوم احساسي
يخدعني
خايف تاخدني ظنوني
وعلى قلبي تهوني
كوني زي ما تكوني
قلبك يسعني
خايف المس اديكي
ورعشة قلبي تناديكي
يا حبيبتي ربنا يخليكي
والكون كله يسمعني
خايف والخوف عذاب
لا تقفلي ف وشي الباب
يا حبيبتي قلبي ف هواكي داب
ولا شيء يقدر يرجعني
خايف... بقلمي عبدالله رجب ابوعدنان
ليست هناك تعليقات:
إرسال تعليق