شعر غنائى ..
((( لما بأقول )))
لما بأقول بحبك .. بيقولها قلبى قبل منى ..
هو اللى حاسس بيكى .. ومنك بيقربنى ..
علشان إنتى غاليه عليه .. حاطك جوه عنيه ..
و كل يوم يسألنى .. عليكى و يحاسبنى ..
لما بأقول بحبك
لو تعرفى حاله بيتغير .. كام مره ف اليوم ..
ساعه فرحان و ساعه حزين .. و ساعه عتاب و ساعه لوم ..
صعبان عليه بعدك عنه .. مش قادر على.الفراق
مشغول ديمآ بالاشواق .. ولا ليله شاف النوم ..
لما بأقول بحبك ..
ياريت تقدرى .. كل ده و تعذرى ..
مش بخاطرى لما أزعلك .. خدى منى و إشترى ..
من كتر خوفى عليكى .. مش قادر أخبى و أدارى ..
علشان بحبك و شارى .. مستعد أفديكى بعمرى ..
لما بأقول بحبك ..
إنتى اللى إدتينى .. الأمل ف الحياه ..
بعد م كنت ضايع .. ف دنيا كلها مأساه ..
كنت عايش و صابر .. على غدر البشر ..
اللى مالوش أول ولا آخر .. لما تعبت من قوله آه .. ..
بقلم الشاعر الغنائى ..
محمد البريمى ..
ليست هناك تعليقات:
إرسال تعليق