( بس اكبور ) شعر عارف شلش الساعدي

 (بس اگبور)

ظلت

بس ارسومكم عدنه اوتصاوير

وانزور اگبورکم ردو یهلنه

عشتو اویانه نسمع منکم اخبار

ویطول افراگم عنه وبعدنه

جینه انشوفکم من بعد الافراگ

ونذكر كل سوالف وانتعنه

وخلص هاليوم نفتر بين الاگبور

ولاواحد يجاوب من ندبنه

نود لگبورکم جیناها انزور

وكومه احجار ایسنه ورجعنه

وتحس الحي يظل يتغير اشبيه

ولابيه رحمه عنده اولاذكرنه

وهم صلت الرحم شالوها هاليوم

وگلت الیاس وانگطعت الظنه

وكل جيه اليجوكم من يذكرون

ينحب ساعة اله وياخذله ونه

بعدها من يرجعون ادري ينسون

وينكرون المضى والينسى حزنه

وظاعت هالكرامه ولاكو معروف

وحت صلت الرحم شالوها منه

وكلمن گال روحي ولاعيالي

وصفت هذي الطريقه

عدنه سنه

وانحن على الماضي الچان مکشوف

وهالتاریخ یشهد ماکتبنه

ویظل بس الخبيث وعفن اليظل

وعلى دربه مشينه ورحنه سرنه

والك أهل المحنه راحو اهناك

حدر ذاك التراب البيه محنه

وتشوف الطاح تدري اولچه الظيم

المن بعد يمشي

او لوتعنه

على الله اتوكل اوليهمك الصار

بشرنه اتغير وباقي وكتنه

وعلى لحظه التشوفه ابسرعه يندار

وبعد لتحسب اوتاخذله صفنه

اذا ربك زرعنه وخالق الكون

وجعل قانونه عدنه وبيه حسبنه

كلشي ينتهي بس الله موجود

دگلي ليش عن ربنه ابتعدنه

نسينه الموت واحنه العشنه وياه

وماندري أعلى لحظه انحسه طبنه

بس ارسومكم عدنه وتصاوير

انزور اگبورکم ردو یهلنه

شعر عارف شلش الساعدي

العراق بغداد

١٠الشاعر عارف شلش الساعدي، ابو آشرف الخفاجي و٨ أشخاص آخرين

١١ تعليقًا

٢٤ مشاركة