الحب .. حياة ******************* بقلم عادل جاد

 الحب .... حياة

**********

اللى عايش من غير حب

الهم عليه العمر يكب

الحب جماله ف العذاب

القلب عن الحب ماتاب

القلب بالحب تملى شباب

الحب بوجودنا غاب

محدش بيعمله حساب

غاب نبته حتى بالتراب

معدش فيه لقب أحباب

وخدانا يادنيا لفين

القلب العمر حزين

الدمع محبوس ف العين

الهم حبل مالوش طرفين

بنقول للحزن كفاية

مش عارفين له نهاية

أحنا أخترناه م البداية

الفلوس لينا هدف وغاية

الكل هيفضل بالهم أسير

عشان الجنيه لينا كبير

معدش للحب نسيم

دا البشر لنفسه آثيم

حياته بصنعه جحيم

محدش مع أخوه رحيم

معدش ف القلب حنان

مشينا ورا الشيطان

دا احنا فرقناه كمان

البشر معدش له أمان

أساء للمكان والزمان

والله يازمن أحنا غلابة

عملنا م الدنيا غابة

مفيش لله أي مهابة

هو ده منتهى الضياع

الكل للآخرة باع

الدنيا مركب بلا شراع

عيشنها تملى فى صراع

نهايتنا معاها وداع

البشر للموت مولود

بالدفن بالتراب موعود

محروم م الخلود

لو نوفى لله العهود

الحب بنا يسود

الخير بوجودنا يعود

القلب عن الحق تاه

الحياة حب الحب حياة

*******

بقلم

عادل جاد

١عادل جاد

٩ مشاركات

أعجبني

تعليق

مشاركة