( باقول سلام) ( أحمد السبكي )

 (باقول سلام)

باقول سلام من غير كلام

للي اعرفه أو معرفوش

وبادعي رب الكون واقول

عنا البلا .يارب حوش

الدنيا ليه حالها كدا

وليه بقت فيها ناس وحوش

الكل ناسي ربنا

وليه كدا مابيرحموش

شوفت الغني اللي معاه فلوس

شايف الفقير مبيدهوش

مع إنه عارف حوجته

وكمان في بيته ممعهوش

والمولي وصانا عليه

نعطف عليه منزعلوش

لأنه عايش وسطنا

ولو سأل متردهوش

واعرف بأن اليوم معاك

ممكن في لحظه ما تلقوش

زود زكاتك حبتين

مالك يزيد ما ينقصوش

زيد في التجاره مع الجليل

الربح يكتر ماتخفوش

القصد كله ح.اقول عليه

إسمع كلامي ما ترمهوش

شوف اللي لك قبل الغريب

برضوا الغريب ما تنسهوش

إكرم جيرانك والفقير

إعطيه كتير ومتنسهوش

شوف أهل شارعك أولا

وبعدها اللي متعرفوش

إسأل عليه وروح إليه

بينك وبينه متحرجوش

يفرح كتير ويعود عليك

شهر الكرم متفوتوش

إنفق كتير مالك يزيد

لو حد شافه ميحسدوش

آخر الكلام راح اقول سلام

إسمع كلامي متنسهوش

(أحمد السبكي) مصر

عرض الرؤى

معدل وصول المنشور: ٤٧

٢Tgred Ahmad وAliraqi Taha

٤ تعليقات

أعجبني

تعليق