( انا شاعر مانش هجاص ) :
انا شاعر مانش هجاص
كلام شعري حروف بمقاس
ومش برقص على الوينجين
ولا مدمن حشيشة وكاس
بقول دايما كلام في الجون
كلام معقول كلام موزون
ده شعري منبعه فكري
وبالكلمة آلامي تهون
انا شاعر ومن صغري
بقول الشعر طول عمري
من القلب وعلى الفطرة
كلامي جد في الدوغري
ومش بكتب كلام وخلاص
لا بد يكون لحرفي اساس
كلامي لغيري ولنفسي
كلامي يمس كل الناس
وبكتب لو في جو هدوء
وفي الزحمة ووسط السوق
في اي مكان في اي زمان
لأشعاري بحس بشوق
كتابة الشعر يا ساده
ماهش تقليد ولا عاده
كتابة الشعر دي ملكه
من الرحمن بتتهادى
بقلمي الشاعر جمال زكي عينر
ليست هناك تعليقات:
إرسال تعليق