غلبت م الدنيا تناكف
فيه وأناكف فيها
لاعرفت الدنيا ترضينى
ولا أنا عرفت أرضيها
قولتلها خليكى كده
مش بتاعة حد
على دى وده
تضحكينا ونصدقك
وتبكينا وقت الجد
ذى ماجينا فيكى
نمشى منك ملط يدوب
قطنه وتوب
ولقب أمانه
واللى يحبنا يقولنا
مع السلامه
ودمعتين وصرختين
وكلمتين والدنيافين
وحبيبنا فين
خدنا منها يدوب مترين
ويخرجونا بعدها بسنتين
جمجمه وعضمتين
يحكوا عن الدنيا
فى كلمتين
ياللى غراكم بيها
وفرحانين
ولا يبقى غير العمل
ورضا ربك هو الامل
وتزول الدنيا
ولايبقى أحد
والملك لله الاحد
ليست هناك تعليقات:
إرسال تعليق