تحقيق بقلم \ احمد شاهين

 تحقيق.بقلم / احمد شاهين

(س) بيسألوه أيه تهمتك

(ج) تهمتى حب البلد

(س) انت واثق حضرتك

(ج) شوفوا ضهرى اللى اتجلد

اسالوا كل القلوب

حتى لو لسه يادوب

قلب طفل بيتولد.

(س) ماشى ليه تهتف يا خال

(ج) هو دا ينفع سؤال

ماشى اقول حريتى

ماشى اطلب لئمتى

ماشى اطالب بالعداله

بفجر .نفسى يتولد

(س)بيسألوه ايه تهمتك

(ج) تهمتى حب البلد

قولت سلميه ف هتافى

وناديت كل الأهالى

يلا جنبى وف كتافى

يا بلدنا المهر غالى

فيكى كام مليون ولد

( س)بيسألوه أيه تهمتك

( ج ) تهمتى حب البلد

عمرى ما ادمر واخرب

عمرى ما اقتل روح بريئه

نفسى بس اليأس يهرب

والأمل يصبح حقيقه

يا الهى المدد

( س)بيسألوه أيه تهمتك

(ج) تهمتى حب البلد

انتمائى للبلد دى

حزب ايه ولا جماعه

كنت فى جيشها بأدى

ليها سمع وليها طاعه

وعشقى ليها للأبد

(س)بيسألوه ايه تهمتك

( ج) تهمتى حب البلد

شوفنا م التحقيق معاه

انه صادق ف اللى قاله

رجعوه تانى للحياه

بس يمضى ع اللى قاله

هو دا ابن البلد.

( س) بيسألوه أيه تهمتك

(ج)تهمتى حب البلد.

كلمات. احمد شاهين

عرض الرؤى

معدل وصول المنشور: ٢

٢حسن عبدالوهاب الديلمي وأحمد محمد أحمد شاهين

تعليقان

أعجبني

تعليق