سيجال مناظرة
عتاب
غضبان عليا ليه
أنا عملت إيه
عشان تسبني يا بيه
وتبات ف حضن غيري
غلطي قولي عليه
م إنت السبب فيه
جرحت وقلت خلاص
سامحتك لجل ضميري
جي تقولي ف نار
وإنت اللي عاملي شجار
وبايت بره الدار
صدقني كتر خيري
صبرت عليك كتير
فاكرني عليك بغير
وزعلانه عشان تأخير
إنسى دإنت أسيري
مهما رحت وجيت
وشتمت او سبيت
ح ترجع تاني البيت
وتتحايل سامحني أميري
م تقولش كلمة قلتها
ليك حدود عندها
جيت ونفذتها
وبيت على سريري
يااست .. يااست
ممكن تسمعيني
وتحكمي وتحاسبيني
بلاش كدا تلوميني
مجرد بس ظنونك
أنا برضه بغير
والجرح ف الحب خطير
ممكن يكون تدمير
يخليني أهج وأطير
حاسبي للمصير
يكتبإني أخونك
ممكن تسمعيني
براحه وتفهميني
براحه استني عليا
وأفضالك كدا يا عنيا
وأفضي لك نفسي شويه
نعم .. يااااسي السيد
ح سيبك كدا تتكلم
ما دمت عاملي معلم
يمكن متبقاش متقيد
ياااست
طب أنا ح تكلم
وأثبتلك إني معلم
مش ح فضل كدا مستني
ولا ح فضل كدا مبلم
أنا ح رد عليكي
عشان جمال عنيكي
دا أنا اللي مراعيكي
إزاي أبقى بخونك
عندك برهان أدله
ولا ظنون ممله
ح تخرب بيتك شله
الله يكون ف عونك
إن كتي صبرتي عليا
العيب دا مش فيا
أقنعك إزاي يا عنيا
وأصلح من شئونك
إن كت تأخرت شويه
إسألي عليا إيديا
لأوفر عيشه هنيه
إبعدي عني جنونك
وعشان الأمور تسير
أنا مش أسير
وم تغلطيش كتير
عشان حبيبتي أصونك
م حد ف يوم طردني
وعلا صوته قصدني
هاتي مين يقاعدني
ويثبت واحده دونك
سمعتي الكلام يا ست
فرجتي علينا النت
وكتبتي خلاص منشت
خلى العقل يشت
ما في بحياتي ست
يعز عليا سكوتك
عايز أسمع صوتك
عمري م تمنى موتك
خلصنا خلاص
متأسفة قدام الناس
م تجرحي الإحساس
توبه جميلك ع الراس
حبيبي ... حبيبتي
ههههههههههههههه
عاطف رمزي سلمان
ج - م - ع
ليست هناك تعليقات:
إرسال تعليق