( كلماتي ) حنان الجوجري

 (كلماتي)

أنا بكتب أشعار و خواطر

بكلام طيب وذكره عاطر

اشعار فصحى واشعار عامية

وخواطر بأساليب وهمية

انت ممكن تبكي معاها

وغيرك يتفائل بصداها

كلامي نابع من جوايا

ووراه صورة يا إما حكاية

كلام دوغري ويعدل المقلوب

وبحنان يدق أبواب القلوب

والكل بيحب يقرا كلماتي

حتى القطة إلي إسمها كاتي

~~~~~

كلماتي عقلي بيغزل حروفها

ونبضات قلبي بتنسج قطوفها

وبحس بيها تسري ف وريدي

وتخرج لقلم تحتضنه إيدي

~~~~~

كلماتي حروفها ترد الروح

وتمحي نهائي اثر الجروح

لأنها معجونة بخلاصة الحنان

ومخلوطة ب ود وإخلاص زمان

~~~~~

كلماتي سبيل يروي العطاشى

ودمع الفراق معاها يتلاشى

وبتنور الليالي الخالية م القمر

و ف ليالي الفكر هي السمر

~~~~~

كلماتي ذوقها رفيع وعالي

تحضيرها فوري يعني إرتجالي

وألوانها نافذة تطل ع الجمال

وبسهولة ممكن تقراها م الشمال

~~~~~

كلماتي تعبير عن مشاعري الفياضة

وهي بدالي للناس فضفاضة

بتحكي وتتكلم ب لساني

و واخدة الطابع الإنساني

~~~~~

كلماتي تحتل قلوب الأحباب

وتخلي الخصام يعلن الإنسحاب

ويعود الوضع لما كان عليه

من غير عتاب وإزاي وليه

~~~~~

كلماتي حقيقية وجدا صريحة

وخفيفة جدا وجدا مريحة

ف بحر الحب ببراعة عامت

و ف بحر الذكريات الجميلة هامت

~~~~~

كلماتي تتراقص معاها الحروف

ودواويني تشجعها من فوق الرفوف

وتتمايل السطور ليها كالأمواج

وقراءها حبايبي أفواج أفواج

~~~~~

كلماتي نسمة وحياة وردية

وسفينة راسية على مينا رومانسية

ف إستقبال حبيبين لرحلة بعيدة

لعيشة هنية وحياة سعيدة

~~~~~

كلماتي ف نهايتها إسمي وبلدتي

وهما دول إمضائي وبصمتي

حنان الجوجري

دمياط الحبيبة

٨رشدي مصطفي الأسواني و٧ أشخاص آخرين

تعليقان

٣٣ مشاركة

أعجبني

تعليق

مشاركة