الثلاثاء، 5 مارس 2024

كان رجعت

 كان رجعت

كان رجعت غار انساني
لا تڨول عندي صاحب
لا تڨول يسناني
ريتشي كي تكدّرت
و شربت مرار زماني
تنكّدت و تحيّرت
هلواس بالضيم خذاني
ترشّفت و تخدّرت
طيّحتلي ميزاني
في فج خالي سكنت
تيّار واعر بعيد رماني
و غرڨت ما نجّمت
بحر الهموم سباني
كان رجعت غار انساني
لا تڨول عندي صاحب
لا تڨول يسناني
بكّيتني و بكيت
و وعدتني
تلفّتت و تخلّيت
ليوم ورڨتك علّيت
تنحنحت و اتّكيت
يا حيط كيف زريت
خايف عليه جريت
و ڨربت و تعنّيت
لا غدرت لا ولّيت
أنت الوجع نسيت
و حتى كلامي رميت
كان رجعت غار انساني
لا تڨول عندي صاحب
لا تڨول يسّناني
كان ترجع للڨلب تعالى
أمّا عدّلها المنڨالا
ميعادي هيّا اسعالا
و الوعد اركز و اعنالا
تلڨاني كاتب لڨوالا
و كلامي افهم و اصغالا
يا نعيشوا قدوة و رجالا
مات و في ايدا معڨالا
شهيد الحقّ فرحنالا
زغرودة يا بنت الخالة
كان ترجع ارجع
نبيه و فطين
أمانة تهزهم لثنين
أمّك و باباك
ديرهم في العين
هم يشبهو بدرين
للّي في ڨلبا حنين
للّي عرف و فهم
في أصول الدين
كان رجعت
كان رجعت ما تفتلها
ليّام ما تعكّرها
دڨات ڨلبي اصڨرها
و خواطري اجبرها
النفس ما تڨهرها
كانك عرفت ڨدرها
لغلاط ما تبررها
و اجبد عليها سطرها
كان رجعت
الهاشمي البلعزي
في
2024/03/05
أعجبني
تعليق
إرسال

ليست هناك تعليقات:

إرسال تعليق

كيف أنّجو من غوصّي فيكِ

  كيف أنّجو من غوصّي فيكِ وصوتكِ يجعلني فيهِ غريق كيف أنقذ نفسي من جحيمكِ وهمسكِ يشعلّ في صدري الحريق كيف أجد السبيل الى خلاصي منكِ وكلما اه...