مجلس "غم"
***
أمم متحدة ومجلس "غم"
مش ممكن تنصفنا ياعم
طول ما فيه فيتو أمريكي
***
ما تقولش محكمة دولية
وانسي العدل والإنسانية
دي شعارات وصنعها الغرب
مش للصهاينه والحراميه
***
كيانات قديمه و أنتيكا
وبتتحكم فيها امريكا
بالبلطجه وبمصدر قوه
وهو ده شغل البلوتيكا
***
زي جامعتنا العربية
كيان معدوم الشخصيه
بياناتها إستنكار وإدانه
على دقنك تضحك ياعنيه
***
حكامنا بين أعمى وأصم
عيشونا سنين في الهم
في قلوبهم ماتت النخوة
مبقاش عند الأعراب دم
علي درويش
24/2/2024
ليست هناك تعليقات:
إرسال تعليق