آسِف
بيقوللي آسف
ماكانشي قصدي
أشغلك وَسَهّر عنيك
بيقول كلام
زي السهام
مستني قلبي يقول ناسيك
طب اقولُّه إيه
وإيه بس ذنبي
هوُّه الغرام لعبه ف ايديك
مش كان زمان
يتمنى قربي
ويعيشها جمبي
بيقول ده كان
ايام زمان
بس النهارده مابقتشي ليك
ده عشان ظروفي
باع حب عمري
باع الليالي
خان قلب غالي
نسي عشقنا ف كل الاماكن
ماخدعتهاش
وماخنتهاش
وافقت اوام من غير نقاش
من غير كلام أو ليه ولكن
قالتلي عادي
نصبر شويه
ده هواك يا عمري كل اللي ليّا
ف القلب ساكن
جالها اللي جاهز
سبعين سنه من عمره ناهِز
راجل كبير ف السن طاعن
خلصت حكايتي
كتبت بايدها إنّ العذاب
يكون نهايتي
اعيش حياتي ساخِط ولاعِن
فوضت امري وحسبي ربي
يجيبلى حقي من قلب خاين
باع الهوى وماكانش صاين
ارخصها شئ عنده العواطف
بيقوللي آسف
بقلمي / خالد جمال ٤/٢/٢٠٢٤
ليست هناك تعليقات:
إرسال تعليق