كان للحب حكاوي

 كان للحب حكاوي

بقلمي جمال القاضي

كان للحب حكاوي كتيره

وكتير ألوان واشكال

وكنا زمان بنحب بجد

كنا اطفال

ولسه صغار

ومانعرف للحب حدود

ولا فرق مابين ضحك وجد

كان ممكن ضحكة بريئة

أو حتى هديه جميله

ف صورة لعبه

بتقدمها لحبيبها اليد

و م الفرحه يطير القلب

كنا بنلعب وكنا بنفرح

ومشاعر حلوه بريئة

وصادقه جميلة بجد

ولما كبرنا وصرنا شباب

صار للحب معنى وصورة

غير صورة قبل

تلقى هناك حبيب وحبيبه

وقايمه طويله عريضه

من طلبات لحبيبه

مره تقوله عايزه الفسحه

وعايزه التانيه تجيب الفون

وعايزه هدايا كتيره

وبلهجة شديدة تقوله

أوعي تعرف أهلك

جبتلي أيه ولاحتى تقول

طلبت أنا منك أيه

ولاتعرف صديق ولاحد

ولو كنت تقول أسرارنا

أعرف ان علاقه مابينا

كل مافيها راح يتهد

ولما العمر أخدنا معاه

وكبرنا خلاص بمشاعر القلب

وعرفنا معنى الحب بجد

من ايدينا رمينا هديا كتير

وقلنا بلاش تمثيل

مش لعبه وتلعب بيها الحب

دا الحب مشاعر وملف جميل

ومكانه يكون جوه القلب

وأصل المعنى يكون

من فعل يوافق قول

وفهم لحلو مشاعر القلب

وفهم حبيب لقصد حبيب

من غير مايقول

ولو يبعد لحظة فيها حبيبك

تحس معاها الوقت طويل

وتشتالقه والشوق

دا يبقى احساسه جميل

ولقاء مابين قلب وقلب

تكمل فيه معان الحب

بلمحه بسيطه تشير

وكلامها يبقى جميل

ولما تشوف على وش حبيبك

حاجه غريبه

وتعرف منها انه حزين

تجري عليه وتقوله

مش عايزه أشوفك تاني حزين

ولا دمعه تسيل

وتمسح أي دموع بلمسة ايدها

وترجع تاني ع الوجه الضحكه

وأجمل حب لما يكون

مشاعره توافق قول

وكان للحب صراحه

حكاوي كتيره

منها قديمة لطفوله بريئة

ومنها جديدة

وتقارن بينها وبين حب وحب

بحب مشاعره صادقة بجد

عرض الرؤى

معدل وصول المنشور: ١١

كل التفاعلات:

١عبد الغني اليحياوي