* * * حلم الطفوله * * * للشاعر /صابر الشناوي

 * * * حلم الطفوله * * *

للشاعر /صابر الشناوي

قلت بكره لما أكبر

هحضن حلمي بين إيدي

ويبقى كل شيء أخضر

شايل شوقي، في وريدي

وكل ما الظروف تأسي

أقول هاتي كمان زيدي

هيجي اليوم قوام. وأكبر

وأفرد حلمي على الآخر

اتاري الدنيا بتعاند

ول حلمي عماله تتاخر

وأنا بصبر وأكون جامد

أطوي كل يوم صفحه

حافض حلمي ومذاكر

الناس منهجها بيتغير

وأنا ثابت على المبدأ

الدنيا أمورها بتحير

باخد حلمي وبسافر

أحلم يوم أكون زهره

تستنى الشمس، بخيوطها

يرويها الندى. بقطره

تملي الكون بعبيرها

أنا. حلمي أكون كلمه

لصوت الحق في بلادي

أكون جندي شايل مدفع

حافظ أرضى لأولادي

شيخ فاهم وبيسمع

أصول الدين لأحفادي

عامل. ورشه بيصنع

مدرس علم بينادي

صاحب شركه وبيدفع

حقوق الناس وهو راض

فلاح دكتور صاحب مصنع

موظف أو رجل عادي

أكون إعلامي ومناضل

فجأه كل دول ماتوا

واللي بقى لنا فاضل

شله بيكا وأصحابوا

فاصل. تانى ونواصل

يا ريت ما حلمت إن أكبر

وحبست الحلم جوايا

وكان. حلمي فضل. أصغر

طفل ولسه بيعافر

كبرت وحلمي ما كبرش

ومات جوايا ف الآخر

عرض الرؤى

معدل وصول المنشور: ١٧

كل التفاعلات:

٣صابر الشناوي، وارق ملاك وشخص آخر