مجلة نداء الرؤح لفرسان الكلمات

 ليالى الغُربه. بقلم أحمد شاهين

ومهما بعِدنّا راح نرجع

ليالى الغربه غداره

يوشوشنا الحنين نِسمّع

نشوف الحى والحاره

وحٌضن يدفى بين أخيّين

حكاوى تاخُدنا بالساعتين

وضحكه صافيه بين قلبين

وفنجان شاى مع سيجاره

ومهما بِعدنّا عن ناسّنا

دا دايبين جوه إحساسنا

نكلمهم فى عِز الليل

ونتقابل كدا ع الشات

ما يمكن نهزم المسافات

وأشواقنا تهِد الحيّل

يا غُربه ياللى مكتوبه

ساعات بنقول أخر نوبه

ونرجع تانى يا خساره

صحيح الغربه فيها المال

لكن فين هى راحة البال

وأولادى بعيد عنى

وبحّلم إنى بحضنهم

وبتألم بعيد عنهم

وضحكتهم تطمنى

يا غربه مش كفايا بقى

نقضى العمر كله شقا

وتبقى قلوبنا محتاره

ومهما بِعدنّا راح نرجع

ليالى

الغربه

غداره

كلمات أحمد شاهين

عرض الرؤى

معدل وصول المنشور: ٧

كل التفاعلات:

١Ahmed Mohamed Ahmed Shahen