$ وشك وشك $

 $ وشك وشك $

بقلم/عمادالأبنودي

•••••••

قليل الأصل مايتعاتبش

أصل الندالة

بتجري في دمه

و بين المواقف مايقدرش

ومصلحته هيا

أبوه و أمه

مبدأ البيع عنده متاح

مايفرقش معاه قريب

أو غريب ...

كله ويااااااااه

راكب البراح

و تلاقيه فعلاً إنسان غريب

طماع و كرشه

جوفه كبير

و عينيه مايملهاش إلا التراب

بني آدم ....

معندوش ذرة ضمير

و مايعرفش قيمة الصحاب

طموحه ...

غباء يعدي الحدود

و دايما يسال هأخد

كاااااام .....!

حسبته شاردة مالهاش قيود

و المهم عنده يكون قدام

ابن وقته و دي أكبر ميزاته

وشك وشك حتي ف سلاماته

محدد أسلوب الحياة

و ماااااااااشي

و قلة الأصل

شعاااااره في حياته

بقلم

عماااد ااالأبنودي

7 / 9 / 2023

عرض الرؤى

معدل وصول المنشور: ١٦

كل التفاعلات:

١ارق ملاك