تايه ف لعلالي!( زجل مغربي)

 تايه ف لعلالي!

( زجل مغربي)

رياح لطيفة ودافية حملاتني

ساݣتني من بعيد بلا شوار

أصبحت ريش فيها خفيف

تايه ف لعلالي وأنا محمول

طاير فالسما متحرر ومرتاح

وخيالي يخمم كثير ومحتار

خايف ما نوصل ومدهوش

واش الريش يا ناس خبروني؟!

من خيورات الله ف الكون!

ولا عذاب يمحن ديما مولاه!

بحال محنة النملة بالجناح

ااااه لو تعرفو فين تحطيت!

مصاب هاذ الريح الهايجة

تخدم قلبي لمعذب ولحزين

مصاب تصلح وتغير مكاني

عايش فوكر لعناد وحداني

وخيالي هايم كثير ف لعلالي

حطاتني الريح فبلاد الخير

طلبت التسليم بلا ما نعاني

صادفت مراية تشبه أفكاري

كنت جوال وسكنت فالحين

خير ما فالناس أصبح ݣدامي

يليق يكون ليا فحياتي عشير

-بقلم: محمد دومو

-مراكش/ المغرب

عرض الرؤى

معدل وصول المنشور: ٣

كل التفاعلات:

١ايمان ناصر