(قاسي وغدار)
سألوني كتير عنك
بكيت وإشتكيت منك
وقولت حبيته وهويته
قلبه طلع قاسي وغدار
وعلي وشه قناع مكار
خلا البسمه اللي ماكانت بتفارقني زمان
نسياني بعد ماغدر بيا وخان
والدنيا في عنيا ملهاش أمان
دنيا قاسيه مفيهاش حنان
الدمعه علي خدودي ليل ونهار
ومليش غير الصبر إختيار
بعد ما افراحي إتبدلت احزان
الأآه سلوتي..والدمعه كلمتي
والشكوي غنوتي
وتعبت من حكايتي وحكايته في وحدتي
هو عايش حياته بعيد عن دنيتي
لا شايف الآمي ولا دمعتي
ولا هامه ليه ضاعت مني فرحتي
سرق أيامي وضيع احلامي
وسابني أعاني من أوهامي
والأماني اللي كانت مصبراني
ضاعت وخدت معاها ضحكتي
ياما حاولت اهرب من هواه
وبعدت عن كل طريق مشيته معاه
واهرب من طيفه اللي كان بيشاغلني في كل مكان
وأعمل إيه ياللي بتسألوني عنه
ازاي اقدر اعيش متحمله ظلمه
قسوته عليا موتت فيا الإحساس
وخلاني أشوف القسوه في عيون كل الناس
حتي قلبي بيلومني علي صبري واحتمالي
مش مصدق كل ده من اللي بحبه يجرالي
حتي اللي كُنت فكراهم أحبابي
مبقوش احباب لومهم زود فيا عذابي
ياقلوب قاسيه وغداره
ويادنيا ناسك مكاره
وياعيون حبايبي ليه بعد الحنيه
تخدعوني وتقسوا عليا
ماحسيت معاهم غير بالندم والعتاب
وكان املي حبي ليهم يكون قادر عليهم وغلاب
وبعد الحب ده كله ماينكتب عليا كل ده عذاب
خواطر (أشرف الدغيدي)
حقوق النشر محفوظه
ليست هناك تعليقات:
إرسال تعليق