( متبعديش ) عبدالحميد المرسى

  ( متبعديش )

متبعديش زي بدر عشق الغياب

متبعديش ..

متسيبيش الغيم يخيم ضباب

خلي ضي نورك يرمح وسط السحاب

دا العيون عاشقه الدموع والعمر سراب

متبعديش ..

إزاى هعيش ..

والأمان وياكِ إنتِ مينتهيش

عايش ف وحده والعالم كله معايا

وإنتِ بس معاها أحس ..

إني وسط جيش

َمتبعديش

إيدك ف إيدي ، بينا نُحضن النهار

ونحلي كاسات الصبر ، بكفايه إنتظار

نرسم قلوب نسكن ندوب في حُسنها

نبدر ورود يمكن تجود بعطرها

نعلى نطير ، ومن تاني نجدد المسار

دا الفرقه صعبه ، وغيابك ميتنسيش

متبعديش

عبدالحميد المرسى

عرض الرؤى

معدل وصول المنشور: ٢١

كل التفاعلات:

٢Ahmad Hamada وارق ملاك