في كل عيله ابو العريف
يغلب عليه بعض التخاريف
يوسوس في القلوب كالطيف
و يقلب عليهم المواجع
***
و الكلمه منه كشمس الصيف
يصعب عليه أسلوب لطيف
والكل من غيره ضائع
***
يمين شمال كلامه عالكيف
كلامه في الجون ماهو الحريف
شاطر قوي في التأليف
والكل لنصايحه سامع
***
اهم شيء يكون له مكان
و زنه بيهز الأبدان
يقدر يحطم أي كيان
انا اللي فاهم و مثقف
***
يشوف النور تملي ظلام
يبث في القلوب أوهام
لا دماغه يهدى و لا ينام
هو اللي فاهم وعارف
***
ما تسيب الناس في حالها
سيب النصيحة لأصحابها
هتشكك الناس في مجالها
اللي في دماغك في دماغ غيرك
***
سيب الأمور هيا هتمشي
بدل ما الناس منك تشكي
وتحتطم أحوالهم بدري
صفي قلبك خليك سالك
(((أسامه جديانه)))
ليست هناك تعليقات:
إرسال تعليق