الام .... للجنة ........ باب
***************
الام وجودها بنا من الله كرم
كنت بوجودها شامخ زى الهرم
بمماتها كل جميل بحياتى إنكسر
اليوم مع أنه قصير
بيعدى عليا من غيرها طويل
ليلى نهار ونهارى ليلى
الوجود عليا بالهنا بخيل
العمر من غيرها مرار أليم
مفيش بعينية أى شئ جميل
نفس مرة الفرح عليا يميل
مش مواسينى دمع عينية
غاب بفراقها والله الحنية
والله الوجود من غير أم
حالنا كلنا غم فى غم
نطلع من هم لهم
دا الأم الحضن الكبير
وياه كنت ملك وأمير
دفا وحنان لصغير والكبير
حضنها دوا للأبن العليل
بحضنها كنا لمة وعيلة
دنيتنا كانت حلوة جميلة
بعدها مفيش حاجة سليمة
معدش لينا للحياه طاقة
عدنا أخوات بس بالبطاقة
عايشين حياتنا بألم وندامة
فرقة الأخوة سمة وعلامة
معدش بينهم ود وشهامة
مبقاش لهم بالوجود كرامة
غاب بوجودهم الابتسامة
البشر عن الحق تاه
دى سنة الحياه
الابنة بتكمل الرسالة
الأمومة موجودة ليوم القيامة
المهم بر الأم بكل أمانة
اصحوا وفوقوا ياأحباب
دا الدنيا دى كتاب
الأم فيها للجنة باب
******************
بقلم
عادل جاد
ليست هناك تعليقات:
إرسال تعليق