درر مصرية

 درر مصرية

كتب د.عادل أبوصيرة

-بعض من الدرر اللفظية المصرية،وأصولها التاريخية

في العامية المصرية،مجموعة من الكلمات التي تستخدم كثيراً،دون أن يعرف معناهاأومصدرها،ومنها علي سبيل المثال لاالحصر:

- (فلان دا بـلـط)

و أصلها الكلمة القبطية (بيلتي)وتعني:مقعد،فيكون المعنى أن فلان دا قليل الحركة،وكسول،ومنها: فلان دا مبلط في الخط! أي بطيء الفهم، و الحركة!

- (جتك شـوطة تاخدك)

البعض يظن أن كلمة شوطة معناها القذف بالساق،

زي ما نقول بنشوط الكورة مثلاً،لكن المقصود مش كدا خالص،شوطة أصلها (شووت) القبطية،وتعني كوليرا،أووباء،

ويبقى المعنى هنا،جيتك وباءلما ياخدك!أو ربنا ياخدك بمعنى أصح

- (الست دي شـلـق)

و شلق أصلها الكلمة القبطية (شلاك) أي المط،والامتداد،

و أيضاً التوتر و الانفعال،و الست الشلق هي إلي بتستخدم ألفاظ نابية،و تمط في صوتها زي مثلاً:أحمااد ياعوومر ...مثلاً يعني

-(أوبـاش)

دي برضو كلمة قبطية معناها عرايا،أوصعاليك،و متحاولش تجيبلها مفرد لأن ملهاش أصلاً، هي بتتقال كدا: شوية أوباش!! كدا

-(غراب البـيـن)

طب الغراب و معروف،البين دا إيه بقى؟!اقولكم...البين دي كلمة مصرية قديمة معناها الشر، أو السوء،وغراب البين معناها (غراب الشر)

-(مدهول)

أصلها القبطي (متاهوول) و معناها، غير المرتب، أو المهمل،

و يا واد يا مدهول على عينك، يعني يا مهمل يا مبهدل

-(جاك خيبة بالويبة)

الويبة كلمة قبطية معناها وعاء للكيل،و هو يسوي كيلتان،

فيكون المعنى: جاتك خيبة كبيرة!!!!وصاية يعني

-(هسويك)

أنا كنت فاكران معناها(هطبخك)يعني،لأن نسوي في مصر معناها نطبخ،لكن المعنى مش كدا خالص،أسويك جاية من الكلمة القبطية(سوى)ومعناها(تقطيع الأوصال)!هسويك يعني هاقطعك!!أظن مرحناش بعيد برضو

-(يا ابن الإيه)

آخر جملة كنت أتخيل انها ممكن تكون شتيمة!وبنستخدمها كتير جداً،على سبيل المزح،وأحيانا المدح،أصل كلمة (إيه) إيه بقااا؟ الإيه دي هي (البقرة) باللغة القبطية!! تخيلو!وبكدا تكون ابن الإيه،معناها ابن البقرة!ههه ماتقولهاش تاني بقى!!!

--للذكروبالمناسبة جدودنا المصريون القدماء لم يشتموا ابدا بالأم او بالمرأة عمومآ...ف المرأة عندهم كانت في غاية الإحترام و المكانة،و كانت مساوية للرجل تماما في الحقوق و الواجبات،و من حقها تعمل في كل الوظائف....حتي كانت تقود الصلوات وتقيم الشعائر في عقيدتهم وفي معابدهم.

عرض الرؤى

معدل وصول المنشور: ٣٤

١محمد عزت

تعليقان

أعجبني

تعليق

إرسال