شوية دموع
حد عنده شوية دموع
لقلب بات موجوووع
بعد ما خلصت دموعه
طب حد عنده دمعتين
يكونوا متعلقين في
أي رمش من رموش العين
مش مهم يكونوا لسه نازلين
لو حتى متجمدين
من أيام أو حتى أسبوع
طيب ممكن تشوفولي
إيه اللي جرى لعيوني
ولا جفوني هل
صحيح نسيوني
أوجف الدمع م الينبوع
ممكن للطفل الباكي
من غير كلام ولا محاكي
يبعتلي دمعة من غير
ما يقولها أنا بستناكي
وتجيبي معاكي شموع
جايز ألاقي عند الشمع
دموووووع
بقلمي/عبد الحفيظ جابر شيبه
ليست هناك تعليقات:
إرسال تعليق