نفسي آخد استراحة

 نفسي آخد استراحة

نفسي أعيشلي يومين ف راحة

نفسي أبطّل الصراحة

هم الناس بيزيد ف همي

فقر الناس بيحرق دمي

كل راجل أشوفه أبويا

وكل ست بشوفها أمي

زهقت م اللي وشوشهم بويه

وتصرفات بتزيد ف غمي

نفسي اطّمن ع الحرافيش

ولا أسمع يوم كلمة مفيش

نفسي اتهنّي نفسي أعيش

نفسي ما حد يبص لحد

نفسي نعدّي المليون سد

بين الأخ وبين أخوه

بين إنسان واللي حبّوه

بين الصحاب مفيش عتاب

والحرامية ياناس تتوب

نفسي يسود قانون قلوب

نفسي نرضي بالمكتوب

نفسي نصلّح المعيوب

نفسي العلم ياخد مكانه

عنوان بلدنا يكون عنوانه

نفسي سعادة وفرحة زيادة

نفسي التقوي نفسي عبادة

نفسي ياناس نمنع غش

نفسي مانلبس مليون وش

نفسي ارتاح ولو ف عش

نفسي نسيب كلمة معلش

نفسي ما اعبّر عن هموم

واكتب غنوة فرح ف يوم

نفسي ياناي ف الهدوء

نفسي ياخلق ماأكون مخنوق

نفسي ف طاقة تكون إيجابية

نفسي ياناس ما أشوف أغبيّا

نفسي أعبّر نفسي أفرح

وعن سعادتكو أقول وأشرح

نفسي لسانّا يبقي عفيف

نفسي نقسم الرغيف

وعمل شريف

ودم خفيف

م الفرحة منمش غير تخاطيف

نفسي نبطّل القباحة

وأعيش ف راحة

نفسي ياناس م الخوف عليكم

اخدلي يومين استراحة

هشام سليم

شاعر الحرافيش

عرض الرؤى

معدل وصول المنشور: ٣٤

٢فهدالصحراء الجرئ وشخص آخر

٤ تعليقات

أعجبني

تعليق

إرسال