( قصة من العمر )
يوم من أيام عمري بالشباب
عشت بيه وشفت قصة
وردفت اعليه السوالف
وقصه اشوف اباثر قصة
اخرت اكون وصرت حارس
من نضام العذباني
وابد ماانطاني فرصة
غيباني وتعباني وگمت اعاني
وذكراني للجعل والگال
حصة
وهسه صارت هالبشر
للعنده حصة
وانه كلشي مالگيت ولالي فرصة
والله حيتان الاجونه
وكلت كلشي
اصرطت كلشي وماهي تشبع
ودول شفت وكلمن الناصبله شصة
والله فخ الطحنه بيه ومومثل أيوب غصة
وذيچ قصة
وهي هوسه وبيها رقصة
والهرج بين علينه والمرج شبچہ أعلى شبچہ
والأحزاب اتصير خبصة
وهي نفس افكار چانت
ومحتل ايسيرها
هسہ
وعلوة اوسوها نصة
وخيرنه ينهب بينه وسلب منه
والصوص اهواي جتنه
وصرنه عد مليار قرصة
وثلمونه اوزعونه بکل حلگ عدهم
وكلمن الياخذله
ثلمه وبيها مصة
جيت اذكركم الماضي
وهاي قصة
الشفت بيها
عيني بين اگبور چفصة
وحده ام لااطفال عدها
وك يتامه الاب شهيد
وفلشت وك گبر ابوھم
وباعت الشباچ ماله وبالسباع گالت وحتى المرمر بمنطقة ذاك الغزالي
انباع فرصة ابدون رخصة
أتريد الاتعيش أطفال جوعانه ويتامه
وعمهم الماكل حصصهم وللورث يحبيبي يعصة
اخ يگبور الرصافه السهره وردي منطقة الشيخ عمر
اشفت بيها شگد قصص
وهي قصة ابأثر قصة
اوحده وياها يتامه
اتنام مابين الگبور
لااھل عدھا الاشوف
ولاعقل مسكينه والله
وهاالظلم حاولت اوصفة
والله وصة
وشنهي وصه باليتيم
ولاعلى المجنون من ذاك الحرج اوشنهي نقصة
واليبيع الكلا وأكثر حتى يشرب يعني ينسى ،،،؟
شلون ينسى
للشخص ومن هو اليبصة
وبعد شحچي والي شذت
وطلعت ابذاك الطريق
واليبيع الشرف
من ذيچ العوايل وكلمن الي عنده طقصة
والضروف اهواي عدنه
وكلشي شفنه
ودمنه احمر وبيه انتاثر مثل دم حسين يكثر
ولو يجي عاشور قصة والله قصة ابد مامنها قصة
والشمر موجود بعده
وتدري عدة من حكومتنه العميله وندري للامريكان حصة
وانتظرني بعد روحي
راح اشرهم والله وافضحهم ولااسكت
و عالحبل واكثر ايه والله احچي
واعصرهم واطلع من اعيونه فصة
وكلمن الي عنده چنصة
واحنه المانبقى نصة
وهاي قصة وبعد ارد واشرح القصة
واتلي قصة
وتجي قصة والله قصة
وابد ماحول الأسود الذاك الأبيض
والأبيض الماسويه الاسود
وانه واقع حال الاحچي
بعالي صوتي أعلى المنصة
واخذ مني أعلى المنصة
والسوالف عندي كثره من الشفتهم
والشريف اتشوف حرصة
الهل وطن ومن هو اليگبصة
والطيب الرايد يخلصة
شعر عارف شلش
الساعدي
العراق بغداد
ليست هناك تعليقات:
إرسال تعليق