سيبك

 سيبك

سيبك من إحتضار الروح بعز السمر

وسيبك من اختفاء القمر بسكة سفر

سيبك من الحلم لو ولى منك وإنتحر

سيبك من الألوان لوعقلك منها إنبهر

خليك دايما بشر مش من فصيل البقر

محكوم بربك وراضي بالقضاء والقدر

عالم و بعلمك في حياتنا دايما مقتدر

وبحبك لينا هتكون بكل دروبنا القمر

ما دنيا بتحكم دايما فينا على المظهر

و بتنسى فينا أصول وحلاوة الجوهر

خليك إنسان واوعي العلل فيها تفكر

دي إبتلاء ونعمة كبيرة لو ليها هتقدر

حتى السماء ممكن بثانية راح تتغير

ورزق العمر المتعسربرضا ربك يتيسر

ماهي سكة مكتوب نمشيها مش أكتر

خليك إنسان وحبك لينا خليه أشطر

والود ازرع بستان حنان مروي بالسكر

سيبك من اللي في يوم هانك او تجبر

العدل موجود بالملكوت ولربك اشكر

اوعى تفكر حبل مزاجه سايب لما تغر

ربك ماسك مفاتيحها امته تضيق وتسر

عايش الفرح والرقص للحياه مالم تضر

ياصحبي الموت بيخطف الصبايا الخضر

سيبك من قولنا وقالوا اصلك تذوق المر

مين عجبه التاني على بعض هنمثل دور

خلي قلبك من الاخيار ولا يوم تميل للشر

بكره تقف أمام الخلاق والعرق منك بيسر

الحسبه بسيطة للأحياء قبلك كم ميت بالقبر؟!

سيبك من إحتضار الروح في عز السهر سيبك

الشاعر/ إبراهيم شبل

١٣١٣

٢١ تعليقًا

٤٦ مشاركة

أعجبني

تعليق

مشاركة