(متعوبه العراقية)

 (متعوبه العراقية)

الله ايساعدچ

يالچنتي متعوبه

ونضالچ چان

من ربيتي الايتام

من ايدچ کلت

سياح وارتاح

ويمر العمر بيچ

وذيچ الايام

وعلى غفله اجيتچ

والتقي اوياچ

وسنين اتمرعليچ

بعهد صدام

وچنه نگعد

اوسولفنه وياچ

وناس اتروح منه

بحكم الاعدام

وكاظم ذاك

ماعوفك ولاانساك

الرماهم بالحجر

ولاعينه الاتنام

گالو عنه مجنون

العقل ذاك

واليگدي ميخلص حكمه اجرام

وساحة خمسه والخمسين هاليوم

ماشفت الكتب من هاي الاقلام

اهي تشهد الكلمن ناضل اوصاح

عالبعثيه الترمينه بسهام

بس شوقي كريم الكاتب الگاه

والاعلام المسير وماكو اعلام

وام حيدر اتناضل

باعت الشاي

وام خالد العدنه ماهي تنلام

باعت خبز ادري

تربي الاطفال

كفو منهن اوگفن بوجه الاقزام

وطاح الصنم عدنه

وكلها التشوف

مثل صدام احسها

وذيچ الاصنام

واجونه الانگس ايحكمونه يردون

حرامي ولفله عمه

بحجة الاسلام

وياهو السلم منهم

بنفس الافكار

واعمار اتروح منه

وچنها احلام

اريد اذكر واذكر

الچان وياي

وعلى كلمن حكمنه

بظلمه مادام

ويزيد افكاره لسه

اويانه الاتكون

بكل تيار عنده

ذيچ الازلام

والينهب اويسلب خيم لحسين

هسه اليوم عدنه

التحرگ اخيام

لوذاك انقتل

والهاجر ابعيد

وشعدلك بعد

ماتنعد الارقام

وشحچيلك يخي

من هالقصص هاي

وكل باطل يگلي هذي اوهام

وللمراءه العراقيه

على الراس

وتاج ورحت احطها واكتب اشظام

الله ايساعدچ

يالچنتي متعوبه

ونضالچ چان

من ربيتي الايتام

شعر عارف شلش

الساعدي

العراق بغداد

٢الشاعر والاديب عارف شلش الساعدي والشاعر عارف شلش الساعدي / بغداد العراق

٣ مشاركات

أعجبني

تعليق

مشاركة