يوميات صايع ( الحلقة العاشرة) ---------------------

 يوميات صايع

( الحلقة العاشرة)

---------------------

صحيت من بدرى فطرت ولبست و هطيت برفان

و غيرت تسريحتى

صباح الخير يا بابا

صباح الفل يا ماما

بابا / الولـــد ده ماله

ماما/ يا ابواحمد ادعى له

لقى شغل والنهاردة المقابلة

بابا /يارب يفلح ان شاء الله

ماما/اقعد يا احمد افطر معانا

أنا/ انا هاشرب شاى بس

خايف اتأخر يا ماما

روحت من بدرى الشركة

دخلت لقيت الموظفات

ايه ده كلهم بنات

قلت السلام عليكم

قالوا اتفضل

قالوا مفيش تعيين قلت اه

قالوا معاك واسطة قلت لا

نهلة/انا نهلة سكرتيرة المديرة

اميرة/وانا يا سيدى اميرة

ادارة اعمال ومحاسبة

منى /وانا منى علاقات عامة

قالوا مؤهلك ايه قلت

تجارة ادارة اعمال ومحاسبة

ردت اميرة احنا زملا

قلت لها انا اسمى احمد

نهلة/اقف يا احمد المديرة وصلت

ملك/ازيكو يا بنات تعالى يا احمد

ردوا البنات بصوت واحد يا جامد

ضحكوا ضحكة

اضايقت منها ملك

دخلت مكتب المديرة

قالت لى اهلا

قلت لها اهلا يا ملك

نورت الشركة ايه رايك فى البنات

حلوين اتعرفت عليهم قالت طيب

رنت الجرس دخلت نهلة

قالت تشرب ايه قلت قهـوة

ملك /من فضلك يا نهلة اتنين قهوة خرجت وقفلت الباب

ملك/خلى بالك هنا هتشتعل وبس

تبص لاى بنت هتبقى نهايتك وانت عارف

انى باحبك

قلت عارف قالت قولى باحبك

قلت لها باحبك باحبك باحبك

قالت يا احمد على مهلك

جبت اوراقك قلت لها اه

رنت الجرس دخلت نهله تانى

نهلة نادى لى منى لو سمحتى

بعد شويه جت منى سلمت عليا

قالت لها احمد المحاسب الجديد

استلمى منه الاوراق واعملى له ملف

هيشرب القهوة املى الملف و تعالى تانى

ايه رايك يا احمد قلت لها انا موش مصدق

اتعين بالسرعة دى وفين فى شركة حبيتى

قالت لى احنا فى عصر السرعة قلت لها ايوه

رنت الجرس دخلت نهلة قالت لها نادى اميرة

اميرة احمد زميلك الجديد قالت احنا اتعرفنا

ابتسمت وبص لى بصة قالت لى روح معاها

قالت لها احمد لازم يعرف كل حاجه عن الشغل

بس لوسمحت عليه حبة حبة

الكلمة دى قالتها لها وهى مضايقـــة

قالت لاميرة هيشرب القهوة ويجى لك

قلت لها ليه متضايقه قالت خايف عليك يا حبيبى منهم

انا حاعلن الان خطوبتنا بصراحة انا فيك موش واثقة

******************

عباس صالح

عرض الرؤى

معدل وصول المنشور: ٣١

١١

٣ تعليقات

أعجبني

تعليق

إرسال